ТЭТГЭЛЭГТ БОЛОВСРОЛ ТӨВ-д тавтай морилно уу,
Манай боловсролын байгууллага нь 2007 онд байгуулагдсан нийгэмд үйлчилдэг, сайн дурын боловсролын байгууллага юм. Бид гадаад, дотоодын олон тэтгэлэгт хөтөлбөрүүдийг хэрэгжүүлдэг бөгөөд оюутан сурагчдын хэлний мэдлэгийг дээшлүүлэн, тэднийг цаашид хөгжих, гадаадад тэтгэлгээр суралцахад нь мэдээллээр хангаж, дэмжлэг үзүүлдэг.
Монгол улсын ирээдүй болсон гадаадад сурах хүсэл сонирхолтой мянга мянган иргэдийг гадаадын сайн дурын боловсролын байгууллага, их дээд сургуулиудын дэмжлэгтэйгээр үнэ төлбөргүй суралцуулахаар зорин ажиллаж байгаа бөгөөд одоогоор 30 гаруй боловсролын байгууллагууд, их дээд сургуулиудтай холбоо харилцаатай ажиллаж байна.
Дэлхийн жишигт нийцсэн мэдлэгийн эрэлд ХАМТДАА
Бидний амьдарч буй цаг үе бол мэдээ, мэдээллийн үсрэнгүй хөгжлийн үе бөгөөд асар хурдацтай мэдээллийн өөрчлөлт дунд бид хөл нийлүүлэн алхах шаардлага үүссээр байна. Энэ хэрэгцээг дагаж дэлхий дахинд чадвартай боловсон хүчнүүдийг тасралтгүй бэлтгэн гаргах зорилго бүхий боловсролын олон улсын стандартууд бий болсоор. Эдгээр стандартаар бэлтгэгдсэн боловсон хүчнүүд нь газарзүйн байрлал, зарим тохиолдолд салбар нэгжийг үл харгалзан тогтвортой ажиллах орлогын эх үүсвэрээ бий болгож байдаг.
Манай боловсролын байгууллагын зорилго нь энэхүү боломжийг Монгол улсын иргэдэд бий болгох, улмаар гадаадад сурах зорилго бүхий иргэн бүрд тэтгэлэгтэйгээр суралцах боломжийг үүсгэх, тэднийг өмнөө тавьсан зорилгодоо хүрэх үйлсэд нь хамтран ажиллаж дэмжих, сургах гэсэн чин эрмэлзлэлийн доор бий болсон. Боловсрол бол өөртөө болон бусдад оруулж болох ирээдүйд чиглэсэн хамгийн том хөрөнгө оруулалт гэдэгт бид итгэдэг. Тиймээс ч бид чанартай боловсролын хүртээмжтэй байдлыг манай улсын иргэн бүрт хүрч байх нь тэдний төрөхөөс заяасан эрх гэдэгт бат итгэдэг.
Үүсгэн байгуулагчийн мэндчилгээ
Монголын нэрт яруу найрагчдын нэг Р.Чойном нэгэн цагт "Эрдэм сурах, санасандаа хүрэх хоёр л энэ насны жаргал гэлтэй хэмээн шүлэглэсэн байдаг."
Г.Дариймаа
Тиймээ, эрдэм мэдлэг гэдэг бол хүч юм. Энэхүү хүч нь боловсролоор дамжин дэлхий ертөнцийн хаана амьдарч байгаагаас үл хамааран хүртээмжтэй байх ёстой. Харамсалтай нь амьдралын хэв шинж, өнгө төрхөөс хамааран олон улсын стандартад нийцсэн боловсролын хүртээмж өнөөг хүртэл хязгаарлагдмал байсаар байна.
Бид танд юу санал болгох вэ?
Гадаадад суралцах боломж нь үргэлж нээлттэй байдаг боломжуудын нэг. Энэ бол шинэ соёл, хэл, сэтгэлгээний арга барилд өөрийгөө бэлдэх боломж. Та гадаад орныг зорьж суралцах шийдвэр гаргаж эхэлсэн тэр мөчөөс эхлэн таны амьдрал ч мөн өөрчлөгдөж эхэлдэг. Тэрхүү өөрчлөлтөд тань бид өөрийн тус нэмрийг оруулхаар зорьж буй юм.
Та оюутан эсвэл ЕБС-ийн сурагч уу?
Бид таны гадаадад суралцах мөрөөдлөө бодит болгоход шаардлагатай тусламж, зөвлөгөөгөөр хангахаар ажиллаж байна. Энэхүү сэтгэл хөдөлгөм, амьдралын тань нэгээхэн алхмыг хамтдаа бүтээж, гэрэлт ирээдүйн замыг нээхэд тань тусалцгаая!
Та олон улсын боловсролын байгууллага эсвэл сургууль бөгөөд чадварлаг боловсон хүчин бэлтгэхээр хайж байна уу?
Бид таны ажлыг хөнгөвчилж боломжит суралцагчидыг санал болгож чадах ба танай байгууллагыг ч мөн Монгол улсад төлөөлөн ажиллах боломжтой.
Та өөрийн мэргэжлийн туршлагаа ахиулах, карьераа дээшлүүлэх зорилгоор гадаадад суралцах эсвэл суралцангаа ажиллахыг хүсэж байна уу?
Гадаадад сурснаар олж авах ур чадвар тань үнэлж баршгүй бөгөөд таныг хөдөлмөрийн зах зээлд бусдаас ялгарах онцлог болно. Тиймээс яг одоо аяны үүргэвчээ үүрээд насан туршийн адал явдалд бэлдээрэй. Бүх дэлхий таны өмнө нээлттэй байх болно.
Хамтрагчид
Хаяг:
Баянзүрх дүүрэг, манлай баатар Дамдинсүрэнгийн гудамж, UB Tower, 1208 тоот. Улаанбаатар, Монгол улс.
Холбоо барих:
Имэйл: Info@scholaredu.org
Утас: 91608838, 99247287
Сошиал холбоос: